Goyatı k'è ts'edı, wet'à ats'èt'ı̨̀le nı̨dè, wedę xołè hołę" CBC Tıde Godı k'egode hadı

Cecılıa Boyd, Tıde Godı k'e gode, CBC Tłı̨chǫ yatıı̀ hadı, ɂǫhdah dıle gı̨ı̨̀wǫ̀ nı̨dè gı̀k'e eghàlageeda esanı̀le.

Nǫxaakǫ̀ nı̨htł'ękǫ̀ ı̨dà tł'àxǫǫ, Cecılıa Boyd hazǫǫ̀ Tłı̨chǫ weyatıı̀ wedę xòłı̨

Sidney Cohen · CBC News · Posted: Oct 03, 2019 1:21 PM EDT | Last Updated: October 8, 2019

Cecılıa Boyd, Tıde Godı k'e gode, CBC Tłı̨chǫ yatıı̀ hadı, ɂǫhdah dıle gı̨ı̨̀wǫ̀ nı̨dè gı̀k'e eghàlageeda esanı̀le. (Samantha Stuart Photography)

Unıted Natıons Yatı gehtsı̨̀ 2019 xò k'e done yatıı̀ dè wek'e xa CBC godı k'e eghàlageda xa. Dǫ łǫ deyatıı̀ t'atı̨le nı̨dè, dǫ łǫ k'ık'e zǫ nı̨dè, hanı nı̨dè łets'ats'edıa esanı̀le.

Cecılıa Boyd hadı yatı eyı̀let'a gots'ede nı̨dè, wet'à ts'etı̨̀ hanı̀ledè wedę xołè.

"Xoghà dets'ètǫ nı̨dè hanı̀kò dezhı̀, " Boyd hadı, CBC Tłı̨chǫ yatıı̀ k'e eghàlada Tıde Godı k'e, Edàıdzęę̀tso Zaà ts'ǫ.

Yık'èezǫ̀. Boyd sekaa elı̨̀ kò, k'àhdzǫǫ weyatıı̀ wedę xołı̨̀ ne, eyıts'ǫɂǫ̀ k'atsı̨ hana hale nıwǫ.

Read this story in English

Boyd, Gamètı̀ ts'ǫ̀ hǫ̀t'e, netsà-lea kò, Tłı̨chǫ yatıı̀ zǫ t'à gode.

"Seòt'ı̨ - sehtsèe, sehtsı̨, semǫ̀ǫ - hazǫǫ̀ Tłı̨chǫ yatıı̀ zǫ t'à gots'ede, eyıtł'àxǫ̀ nǫxaakǫ̀ nıhtł'èkǫ̀ ts'ǫ̀ ahdzà" hadı.

Įndààkǫ̀, Habatsa eyıts'ǫ Sǫǫ̨̀mbak'è nǫxaakǫ̀ nı̨htł'èkǫ̀ àıt'ı̨̀. Ekot'a Tłı̨chǫ yatıı̀ t'à gots'edehà-le. Dekǫ̀ nǫǫtł'a kò, wetà, wemǫ, wetsı eyıts'ǫ woba dagedı̀ yeèk'ezǫ-le.

K'atsı̨ Tłı̨chǫ yatıı̀ ghade, dǫ hazǫǫ̀ Tłı̨chǫ yatıı̀ zǫ gogede t'à. Boyd wemǫ eyıts'ǫ wetsı̨ k'atsı̨ Tłı̨chǫ yatıı̀ godeha gıts'àındı̀. Boyd hadı "Tłı̨chǫ yatıı̀ dezı̀ dı̀ı̀."

Wedǫ eyıts'ǫ wekę̀ę taı dǫ agı̨t'è-le eyıts'ǫ Tłı̨chǫ yatıı̀ xoghàgıets'etǫ̀ sıı̀ dezı̀ hadı. Tłı̨chǫ yatıı̀ t'à yaazea gıts'adı.

Wekę̀ę "dàı̨chı-le" gık'èzǫ̀. Dǫ gıts'à gotse hò nı̨dè, sekę̀ę ası̀ı dàı̨chı-le gèesı̨" Boyd hadı.

Boyd, Gamètı̀ ts'ǫ̀ hǫ̀t'e, netsà-lea kò, Tłı̨chǫ yatıı̀ zǫ t'à gode (Samantha Stuart Photography)

"Sedǫ hoghàweetǫ "K'omoǫ̀dǫǫ̀ nezı. Dzętanı nezı̨. Mahsı̀. eyıts'ǫ Mǫ̀hta dagǫt'e" Boyd hadı.

Sedǫ Behchokǫ̀ nàatł'a kò, sıı̀ wı̨nı̀ı̀ Tłı̨chǫ yatıı̀ t'à yaazea gode t'à.

"Nı̨ı̨jı̨-le. Nı̨̀ı̨̀zaılı̨-le. Ekǫǫ̀-le adzà nı̨dè, esanı̀le" Boyd hadı.

Boyd wedǫ hadı "Tsǫ at'ı̨" hanı̀kò sade daaɂa. Eyıts'oɂǫ̀ wetsı̨ yeèk'ezǫ-le. Hanı̀kò wedǫ wı̨nàà adzà Tłı̨chǫ yatıı̀ t'à yaazea gode ha dı̀ı̀-le.

Tsekaa Tłı̨chǫ yatıı̀ t'à gogedı dezı̀-le, hanı̀kò dǫne degedzà nı̨dè, Tłı̨chǫ yatıı̀ t'à gogede t'à esanı̀le. Hanı̀kò xoghàdıtǫ hǫt'e.

CBC's Journalistic Standards and Practices·About CBC News

Corrections and clarifications·Submit a news tip·

Goyatı k'è ts'edı, wet'à ats'èt'ı̨̀le nı̨dè, wedę xołè hołę" CBC Tıde Godı k'egode hadı

Nǫxaakǫ̀ nı̨htł'ękǫ̀ ı̨dà tł'àxǫǫ, Cecılıa Boyd hazǫǫ̀ Tłı̨chǫ weyatıı̀ wedę xòłı̨

Social Sharing

Related Stories