ᐆᒃᑐᕋᓱᐊᖅᑐᑦ: ᐃᖃᓗᐃᑦ−ᒪᓂᕋᔭᒃ
ᒪᕐᕉᒃ ᐃᓃᒃ ᐃᓇᖏᖅᑕᐅᔪᒃᓴᒃ ᐃᒃᓯᕙᐅᑕᒃ ᕿᒪᒃᑕᐅᓯᒪᔪᑦ ᐃᓕᓴᐱ ᓯᐅᑎᐊᐱᒻᒧᑦ
ᑖᓐᓇ ᓇᒻᒥᓂᕆᔭᖅ ᐃᖃᓗᐃᑦ (ᐊᒥᓲᓂᖏᑦ ᐃᓄᐃᑦ 8,284), ᐊᔾᔨᒌᙱᑦᑐᒃᑯᑦ ᖃᖓᓂᑕᐃᑦ, ᓄᑖᑦ, ᐊᔪᙱᑦᑐᓂᑦ ᐊᒻᒪᓗ ᐊᔪᖅᓴᖅᑐᓂᑦ, ᐃᓄᐃᑦ ᐊᒻᒪᓗ ᖃᓪᓗᓈᓂᑦ.
ᒐᕙᒪᑦ ᓴᓇᕝᕖᑦ ᓇᒥᑐᐃᓐᓇᑦ, ᐊᒻᒪᓗ ᑕᒪᕐᒥ ᓴᓇᕝᕖᑦ ᐃᖃᓗᓐᓃᑦᑐᑦ, ᐊᒻᒪᓗ ᒥᑦᑕᕐᕕᒃ ᐊᒻᒪᓗ ᓯᒡᔭ ᑕᐃᒪᐅᓪᓗᓂ ᐅᒥᐊᕐᔪᐊᓕᕆᓂᕐᒧᑦ ᐱᔾᔪᑎᒋᔭᐅᔪᓄᑦ. ᐊᒥᓱᑦ ᓂᕈᐊᖅᑎ ᑦ ᑕᒫᓂᕐᒥᐅᑕᐅᔪᑦ ᓄᓇᓕᒥ ᖃᓂᖃᑎᒌᒃᑐᑦ ᐊᑎᖃᖅᑐᖅ (Lower Base). ᐊᖏᓂᖅᐹᖅ ᐊᒻᒪᓗ ᐱᕈᖅᐸᓪᓕᐊᔪᑦ ᐃᓄᐃᑦ ᓂᕈᐊᖅᑎᑦ ᐃᒡᓗᖃᖅᑐᑦ ᖁᑦᑎᑦᑐᒥ ᓄᑖᖅ ᖃᖅᑲᒥᐅᑕᐃᑦ.
ᓄᓇᓕᒥ, ᐊᒥᓱᑦ ᐅᖃᐅᓯᕆᔭᐅᖃᑦᑕᖅᑐᑦ ᓯᒡᔭ ᖃᓄᐃᓐᓂᖓᓄᑦ ᐊᒻᒪᓗ ᐃᓄᐃᑦ ᐊᑦᑐᐃᓂᖃᖅᑐᑦ ᐃᓄᓐᓂᑦ ᐃᒥᐊᓗᓕᕆᕝᕕᒻᒥᑦ.
ᑕᒪᓐᓇ ᓂᕈᐊᖅᑕᐅᒐᓱᐊᕐᓂᖅ, ᔪᐊᓇᓯ ᐊᑯᒪᓕᒃ ᓂᕈᐊᖅᑕᐅᒐᓱᐊᖅᑐᖅ ᐃᖅᑲᓇᐃᔭᖅᑎᒥᑦ ᐋᑕᒻ ᐋᕆᐊᒃ ᓚᐃᑦᔅᑑᓐᒥᑦ.
ᓰᐱᓰ ᖃᐅᔨᒋᐊᖅᓯᒪᔪᑦ ᑕᒪᒃᑭᓐᓄᑦ ᓂᕈᐊᖅᑕᐅᒐᓱᐊᖅᑐᓄᑦ ᑎᑎᕋᖅᓯᒪᔪᓂᑦ ᐊᐱᖅᓲᑎᓂᒃ ᐃᓄᒃᑎᑐᑦ, ᖃᓪᓗᓈᑎᑐᑦ, ᐊᒻᒪᓗ ᖃᐅᔨᒋᐊᕐᕕᒋᓪᓗᒋᑦ ᓂ ᕈᐊᖅᑕᐅᒐᓱᐊᖅᑐᑉ ᓇᒻᒥᓂᕆᔭᖓᓂᑦ ᖃᕋᓴᐅᔭᓕᕆᓂᕐᒧᑦ ᓂᕈᐊᖅᑕᐅᒐᓱᐊᕐᓂᕐᒧᑦ ᐅᖃᐅᓯᒃᓴᓂᑦ. ᐊᑐᐃᓐᓇᐅᔪᑦ ᑐᑭᓯᐊᔾᔪᑎᒃᓴᐃᑦ ᐋᖅᑭᒋᐊᖅᑕᐅᓯᒪᔪᑦ ᑕᑭᓂᖏᓐᓂᑦ ᐊᒻᒪᓗ ᑐᑭᓯᐊᔾᔪᑎᒃᓴᖏᓐᓄᑦ.
ᔪᐊᓇᓯ ᐊᑯᒪᓕᒃ
ᔪᐊᓇᓯ ᐊᑯᒪᓕᒃ ᐃᓅᔪᖅ ᐊᒻᒪᓗ ᐱᕈᖅᓴᖅᓯᒪᔪ ᖅ ᐃᑉᐱᐊᕐᔪᒻᒥ.
ᑎᒍᒥᐊᖅᑐᖅ ᓴᕕᒃᓴᓕᕆᓂᕐᒧᑦ ᐃᓕᑕᕆᔭᐅᔾᔪᑎᒃᓴᓂᑦ ᐃᓕᓐᓂᐊᕌᓂᒃᓯᒪᓂᖓᓄᑦ ᕆᑦ ᕆᕗ ᓄᓇᓕᒥ ᓯᓚᑦᑐᖅᓴᕕᖓᓂᑦ ᕕᓂᐲᒃᒥ ᐊᒻᒪᓗ ᓯᓚᑦᑐᖅᓴᕐᕕᓐᓂ ᐃᓕᓐᓂᐊᕈᑎᒃᓴᓂᑦ.
ᒫᓐᓇᐅᔪᖅ, ᐱᓕᕆᐊᒃᓴᓄᑦ ᐊᐅᓚᑦᑎᔨᐅᔪᖅ ᓄᓇᕗᑦ ᑐᙵᕕᒃ ᑎᒥᖁᑎᖏᒃᑯᓐᓂ, ᕿᓂᖅᑐᓂ ᐃᓄᐃᑦ ᐃᓗᕕᖏᓐᓂᑦ ᐊᖏᕐᕋᓚᐅᕐᓯᒪᖏᑦᑐᓄᑦ ᐳᕙᓪᓗᓂᕐᒧᑦ ᐋᓐᓂᐊᕐᕕᒻᒧᑦ ᐱᔾᔪᑎᖃᖅᑐᓂᑦ ᖃᓪᓗᓈᑦ ᓄᓇᖓᓐᓂ.
ᓂᕈᐊᖅᑕᐅᒐᓱᐊᖅᑐᖅ ᐱ ᔾᔪᑎᒋᔭᖓ "ᐃᑉᐱᒍᓱᒃᑐᖓ ᐱᐅᓂᖅᓴᒥᑦ ᐱᖃᕆᐊᖃᕐᓂᖓ ᑭᒡᒐᑐᐃᓂᕐᒧᑦ/ᐅᖃᖅᑎᐅᓂᕐᒧᑦ ᐃᓄᒋᔭᐅᔪᓄᑦ, ᐊᒻᒪᓗ ᓂᕆᐅᓐᓂᖃᕐᓂᖅ ᐊᑲᐅᓂᖅᓴᒥᑦ ᐃᓅᓯᕆᔭᐅᓂᐊᖅᑐᓂᑦ ᓄᓇᓕᒥᐅᑕᓄᑦ, ᓂᕈᐊᕐᓂᐅᙱᑦᑐᑐᐃᓐᓇᐅᙱᑦᑐᒃᑯᑦ ᑭᓯᐊᓂ ᐊᑕᖏᕐᓗᒍ ᓄᓇᕗᑦ. ᑭᒡᒐᖅᑐᐃᔪᒪᔪᖓ ᓄᓇᓕᒥᐅᑕᓄᑦ ᐊᑲᐅᙱᓕᐅᕈᑕᐅᔪᓂᑦ ᐊᒻᒪᓗ ᓄᓇᕗᓕᒫᒥ ᐊᑲᐅᙱᓕᐅᕈᑕᐅᔪᓂᑦ ᒪᓕᒐᓕᐅᕐᕕᒻᒥ."
ᐱᒻᒪᕆᐅᓂᖅᐹᑦ ᐊᑲᐅᙱᓕᐅᕈᑕᐅ ᔪᓄᑦ ᓂᕈᐊᖅᑕᐅᒐᓱᐊᕐᓂᖓ ᐃᓚᖃᖅᑐᑦ ᑭᒃᑯᓕᒫᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ, ᐃᓱᒪᒃᑯᑦ ᐋᓐᓂᐊᖅᑐᓕᕆᓂᖅ, ᓴᓇᕝᕕᓄᑦ ᓄᑖᙳᖅᑎᕆᓂᖅ ᐊᒻᒪᓗ ᐊᑭᑭᑦᑐᒃᑯᑦ ᐃᒡᓗᓕᕆᓂᕐᒧᑦ.
ᐊᕕᒃᓯᒪᔪᑦ ᓄᓇᓕᒃᑯᑦ, ᐃᓚᒋᐊᕈᑎᒋᓇᔭᖅᑕᖓ ᐱᒋᐊᖁᔨᓂᖅ ᐃᓱᒪᒃᑯᑦ ᐋᓐᓂᐊᖅᑐᓕᕆᓂᕐᒧᑦ, ᕿᒥᕐᕈᐊᕐᓗᓂ ᐊᑐᐊᒐᐅᔪᑦ ᐊᕕᒃᓯᒪᔪᑦ ᓄᓇᓕᖓᓄᑦ ᐊᖏᖅᑕᐅᔭᕆᐊᖃᖅᑐᓂᑦ ᐊᒻᒪᓗ ᐱᓕᕆᐊᖃᕐᓗᓂ ᑮᓇᐅᔭᑦ ᐊᑐᖅᑐᒃᓴᓄᑦ ᐊᑲᐅᓈᕐᓂᓕᕆᓂᖅ ᓯᕗᓂᒃᓴᒧᑦ ᐊᒻᒪᓗ ᓄᕙᒡᔪᐊᕐᓇᖅ-19 ᐋᓐᓂᐊᓇᖃᖅᑕᐃᓕᒪᓂᖅ ᓄᓇᓕᒋᔭᐅᔪᓂᑦ.
ᐋᑕᒻ ᐋᕆᐊᒃ ᓚᐃᑦᔅᑑᓐ
ᐃᖅᑲᓇᐃᔭᖅᑎ ᐋᑕᒻ ᓚᐃᑦᔅᑑᓐ, ᑲᖏᖅᖠᓂᕐᒥᐅᑕᖅ, ᒪᒃᑯᒃᑎᓪᓗᒍ ᐃᖃᓗᓐᓄᑦ ᐊ ᒻᒪᓗ ᑭᖕᔅᑕᓐ ᐋᓐᑎᐅᕆᔪᒥᑦ ᐅᑎᖃᑦᑕᖅᓯᒪᔪᖅ, ᑭᓯᐊᓂ ᐃᖃᓗᓐᓄᑦ ᓅᑎᓪᓗᒍ ᑕᐃᒪᙵᑦ ᒪᒃᑯᒃᑎᓪᓗᒍ.
ᐃᓕᓐᓂᐊᕌᓂᒃᑎᓪᓗᒍ ᐃᓄᒃᓱᒃ ᐊᖏᓂᖅᓴᓄᑦ ᐃᓕᓐᓂᐊᕐᕕᖓᓂᑦ, ᓄᓇᕗᑦ ᓯᕗᓂᒃᓴᕗᒻᒧᑦ ᐃᓕᓐᓂᐊᕆᐊᓚᐅᖅᑐᖅ. ᑎᒍᒥᐊᖅᑐᖅ ᖁᑦᑎᓐᓂᖅᓴᒃᑯᑦ ᑮᓇᐅᔭᓕᕆᓂᕐᒧᑦ ᐃᓕᑕᕆᔭᐅᔾᔪᑎᒃᓴᐃᑦ ᐃᓕᓐᓂᐊᕌᓂᓐᓂᕐᒧᑦ ᓰᓐᑦ ᓗᐊᕆᓐᔅ ᓯᓚᑦᑐᖅᓴᕐᕕᐊᓂᑦ, ᐊᒻᒪᓗ ᖁᑦᑎᓐᓂᖅᓴᒃᑯᑦ ᐃᓕᑕᕆᔭᐅᔾᔪᑎᒃᓴᐃᑦ ᐃᓕᓐᓂᐊᕌᓂᓐᓂᕐᒧᑦ ᓇᒻᒥᓂᓕᕆᓂᕐᒧᑦ ᐊᐅᓚᑦᑎᓂᖅ ᓗᐊᕆᓐᑕᓐ ᓯᓚᑦᑐᖅᓴᕐᕕᐊᓂᑦ.
ᐃᖅᑲᓇᐃᔭᖅᑎᐅᓯᒪᔪᖅ ᒐᕙᒪᑦ ᓄᓇᕗᒻᒥ, ᓚᐃᑦᔅᑑᓐ ᐅᖃᖅᑐᖅ ᓯᕗᓪᓕᖅᐹᒥᒃ ᓂᕈᐊᖅᑕᐅᒐᓱᐊᖅᓯᒪᔪᖓ ᒪᓕᒐᓕᕆᕝᕕᒻᒥ ᒥᓂᔅᑕᐅᓂᕐᒧᑦ 2017−ᖑᑎᓪᓗᒍ ᐊᒥᓱ ᑦ ᐊᑲᐅᙱᓕᐅᕈᑕᐅᓯᒪᔪᑦ ᓄ ᓇᕗᒻᒥ ᐱ ᔾᔪᑎᒋᓪᓗᒍ ᑐᓴᒐᒃᓴᐅᔭᕆᐊᖃᕐᓂᖏᓐᓄᑦ.
ᒐᕙᒪᒃᑯᑦ ᐱᓕᕆᐊᖃᒃᑲᓐᓂᕆᐊᖃᖅᑐᑦ ᓴᙱᓂᖅᓴᒃᑯᑦ ᐊᑲ ᐅᓂᖅᓴᒥᑦ ᖃᐅᔨᔾᔪᑎᒋᓂᐊᕐᓗᒋᑦ ᐱᔭᐅᔭᕆᐊᖃᖅᑐᓄᑦ ᐃᓄᓐᓂᑦ, ᑕᐃᒪᓐᓇ ᐅᖃᖅᑐᖅ, ᐃᓚᒋᓗᒍ ᐃᒥᐊᓗᓕᕆᓂᕐᒧᑦ ᐱᓂᕐᓗᒃᑕᐃᓕᒪᓂᕐᒧᑦ, ᐋᓐᓂᖅᓱᐃᓂᖅ ᐊᒻᒪᓗ ᑲᑉᐱᐊᓵᕆᓂᕐᒧᑦ ᑭᒃᑯᑐᐃᓐᓇᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ.
ᐊᓯᖏᑦ ᐊᑲᐅᙱᓕᐅᕈᑕᐅᔪᑦ ᑕᑯᔭᖏᑦ ᐃᓚᖃᖅᑐ ᑦ ᓱᕈᓯᓄᑦ ᐋᓐᓂᖅᓱᐃᓂᖅ ᐊᒻᒪᓗ ᑭᒃᑯᓕᒫᓄᑦ ᐋᓐᓂᖅᓱᐃᕆᓂᕐᒧᑦ, ᐃ ᓕᓐᓂᐊᕐᓂᖅ ᐊᒻᒪᓗ ᐃᓕᓐᓂᐊᕐᕕᒻᒥ ᓂᕿᖃᕐᓂᕐᒧᑦ ᐱᓕᕆᐊᒃᓴᐃᑦ ᐊᒻᒪᓗ ᐱᓗᐊᖅᑐᒍ ᒪᒃᑯᒃᑐᑦ.
ᐅᖃᖅᑐᓂ ᑐᓴᒐᒃᓴᐅᑎᒋᓂᐊᕐᓗᒋᑦ ᓄᓇᕗᑦ ᐃᒡᓗᓕᕆᓂᕐᒧᑦ ᐊ ᑲᐅᙱᓕᐅᕈᑕᐅᔪᓂ ᑦ ᐊᑐᕐᓗᒋᑦ ᓴᓇᓂᕐᒧᑦ ᐊᑐᖅᑕᐅᔪᓂᑦ ᐊᒻᒪᓗ ᓴᖅᑭᑎᑦᑎᓗᓂ ᐱᒋᐊᒃᑲᓐᓂᕐᓂᖅ ᐃᑲᔫᓯᐊᓂᑦ ᓇᒻᒥᓂᖃᕐᓂᕐᒧ ᑦ ᐃᒡᓗᖃᕐᓂᕐᒧᑦ.
ᓚᐃᑦᔅᑑᓐ ᐅᖃᖅᑐᖅ ᑲᒪᔪᒪᔪᖅ ᑕᑯᑎᑦᑎᓗᓂ ᒥᐊᓂᕆᓂᖅ ᓄᓇᕗᑦ ᑲᑎᒪᑎᓪᓗᒋᑦ ᐃᓱᒪᒃᓴᖅᓯᐅᕐᓂᕐᒧᑦ ᒥᓂᔅᑕᐅᓗᓂ ᒪᓕᒐᓕᕆᕝᕕᒻᒥ, "ᑭᓯᐊᓂ ᑕᐃᒪᐅᔪᑦ ᓱᓕ ᐊᑲᐅᙱᓕᐅᕈᑕᐅᔪᑦ ᑐᓴᒐᒃᓴᐅᑎᒋᔪᒪᔭᒃᑲ ᐊᒻᒪᓗ ᖃᐅᔨᒪᓗᐊᙱᑦᑐᖓ ᒫᓐᓇᐅᔪᖅ ᐱᕕᒃᓴᕆᓂᐊᖅᑕᖏᓐᓄᑦ. ᖃᐅᔨᒪᔪᖓ ᐅᖃᕐᓗᖓ ᐃ ᓱᒪᒃᓴᖅᓯᐅᖅᓯᒪᙱᓐᓇᒪ ᓯᕗᓕᖅᑎᐅᓂᕐᒧᑦ."