ᐆᒃᑐᕋᓱᐊᕐᑐᑦ: ᐅᖅᑯᕐᒥᐅᑦ (ᑲᖏᕐᑐᒑᐱᒃ ᐊᒻᒪᓗ ᕿᑭᖅᑕᕐᔪᐊᖅ)
ᒪᕐᕉᒃ ᐊᕐᓈᒃ ᓂᕈᐊᕋᒃᓴᐅᔫᒃ ᒪᓕᒐᓕᐅᕐᕕᒻᒧᑦ
ᑲᖏᕐᑐᒑᐱᒃ (ᐃᓄᒋᐊᕐᓂᖓ 1,192) ᐊᒻᒪᓗ ᕿᑭᖅᑕᕐᔪᐊᖅ (ᐃᓄᒋᐊᕐᓂᖓ 651) 350 ᑭᓛᒥᑕᓂᒃ ᐅᖓᓯᓐᓂᓖᑦ . ᓄᓇᓖᒃ ᑕᒪᒃᑮᒃ ᐃᓄᐃᓐᓇᐅᑲᓴᑦᑐᑦ ᐊᒻᒪᓗ ᐃᒡᓗᒥᐅᖃᑎᒌᓕᒫᐸᓗᑦ ᐃᓄᒃᑎᑑᓲᑦ ᐊᖏᕐᕋᖏᓐᓂᒃ. ᓇᓕᐊᑐᐃᓐᓇᖅ ᓄᓇᓕᐅᔪ ᒐᕙᒪᖃᕝᕕᐅᖏᑦᑐᖅ ᐊᒻ ᒪᓗ ᒐᕙᒪᒃᑯᓐᓄᑦ ᐃᖅᑲᓇᐃᔮᒃᓴᕐᑕᖃᓗᐊᙱᑦᑐ
ᑲᖏᕐᑐᒑᐱᒃ ᐃᓂᒋᔭᐅᔪᖅ ᓄᓇᕘᑉ ᐱᖅᑯᓯᓕᕆᕝᕕᒃ ᐃᓕᖅᑯᓯᓕᕆᓂᕐᒧᑦ ᐃᓕᓐᓂᐊᕐᕕᖓᓄᑦ ᐊᐅᓚᑕᐅᓪᓗᓂ ᓄᓇᕗᑦ ᓯᓚᑦᑐᖅᓴᕐᕕᖓᓄᑦ, ᑖᓐᓇ ᐃᓕᓴᖅᓯᕕᒃ ᑲᑐᔾᔨᖃᑎᒌᑦ, ᐃᑦᑕᕐᓂᓴᕐᓂᒃ ᐊᒻᒪᓗ ᖃᐅᔨᓴᕐᓂᕐᒧᑦ ᐱᓕᕆᕝᕕᐅᔪᖅ.
ᓰᓚ ᐃᓄᒃ ᐊᒻᒪᓗ ᒥᐊᓕ ᕿᓕᖅᑎ ᓂᕈᐊᕋᐅᒃᓴᐅᔫᒃ ᑕᕝᕙᓂ ᐊᕕᑦᑐᖅᓯᒪᔪᒥᑦ.
ᓰᐱᓰ ᖃᐅᔨᒋᐊᖅᓯᒪᔪᑦ ᑕᒪᒃᑭᓐᓄᑦ ᓂᕈᐊᖅᑕᐅᒐᓱᐊᖅᑐᓄᑦ ᑎᑎᕋᖅᓯᒪᔪᓂᑦ ᐊᐱᖅᓲᑎᓂᒃ ᐃᓄᒃᑎᑐᑦ ᐊᒻᒪᓗ ᖃᓪᓗᓈᑎᑐᑦ, ᐊᒻᒪᓗ ᖃᐅᔨᒋᐊᕐᕕᒋᓪᓗᒋᑦ ᓂᕈᐊᖅᑕᐅᒐᓱᐊᖅᑐᑉ ᓇᒻᒥᓂᕆᔭᖓᓂᑦ ᖃᕋᓴᐅᔭᓕᕆᓂᕐᒧᑦ ᓂᕈᐊᖅᑕᐅᒐᓱᐊᕐᓂᕐᒧᑦ ᐅᖃᐅᓯᒃᓴᓂᑦ. ᐊᑐᐃᓐᓇᐅᔪᑦ ᑐᑭᓯᐊᔾᔪᑎᒃᓴᐃᑦ ᐋ ᖅᑭᒋᐊᖅᑕᐅᓯᒪᔪᑦ ᑕᑭᓂᖏᓐᓂᑦ ᐊᒻᒪᓗ ᑐᑭᓯᐊᔾᔪᑎᒃᓴᖏᓐᓄᑦ.
ᓰᓚ ᐃᓄᒃ
ᓰᓚ ᐃᓄᒃ ᐃᓅᓚᐅᖅᓯᒪᔪᖅ ᐃᖃᓗᓐᓂ ᐊᒻᒪ ᐱᕈᖅᓴᓪᓗᓂ ᑲᖏᖅᑐᒑᐱᒻᒥ.
ᓇᒻᒥᓂᖃᓂᕐᒧᑦ ᐃᓕᓐᓂᐊᓂᕐᒧᑦ ᓇᓗᓇᐃᒃᑯᑕᖃᖅᑐᖅ ᐊᒻᒪ ᑮᓇᐅᔭᓕᕆᔨᐅᓯᒪᔪᖅ ᐊᒻᒪ ᑐᑭᒧᐊᖅᑎᑦᑎᔨᐅᓪᓗᓂ ᐊᐅᓚᓂᖏᓐᓄᑦ ᓄᓇᕗᑦ ᒐᕙᒪᒃᑯᓐᓂᑦ.
ᒫᓐᓇᕋᑖᖑᓯᒪᔪᒥᑦ, ᐃᓄᒃ ᐃᖅᑲᓇᐃᔭᓚᐅᖅᑐᖅ ᐃᓕᓴᖅᓯᕕᒃ ᑎᒥᖓᒻᒥ ᑲᖏᖅᑐᒑᐱᒻᒥ 28−ᐅᓪᓗᓄᑦ ᐊᔪᓕᕈᑎᖃᖅᓯᒪᔪᓄᑦ ᒪᒥᓴᓂᕐᒧᑦ ᐱᓕᕆᐊᒥᑦ.
ᐃᓄᒃ, ᐃᑲᔪᑐᐃᓐᓇᖃᑦᑕᖅᓯᒪᔪᖅ ᐊᓯᐊᓂ ᐃᑲᔪᖅᑎᐅᓪᓗᓂ, ᐅᖃᖅᑐᖅ ᓂᕈᐊᔅᓴᐅᓇᓱᓕᓚᐅᖅᑐᖅ ᒪᓕᒐᓕᐅᖅᑎᒧᑦ ᐱᔾᔪᑎᒋᓪᓗᒍ ᑕᑯᔪᒪᒻᒪᒋᑦ ᐃᓄᐃᑦ "ᑲᒪᒋᔭᐅᓗᑎ ᐊᒻᒪ ᐱᓕᕆᓂᖃᑦᑎᐊᕐᓗᑎ.
ᒪᓕᒐᓕᐅᖅᑎᐅᓗᓂ, ᐅᖃᖅᑐᖅ ᐊᔭᐅᖅᓯᔭᒐᖅᑐᖅ ᐃᖅᑲᓇᐃᔮᓂᑦ ᓴᖅᑭᑎᑦᑎᑲᓐᓂᕐᓗᓂ, ᐱᖁᑎᕐᔪᐊᓂᑦ ᐊᒻᒪ ᐃᓪᓗᓕᕆᓂᕐᒥᑦ.
ᐅᖃᖅᑐᖅ ᐃᖅᑲᓇᐃᔭᕋᔭᖅᑐᓂ ᓈᒻᒪᑦᑐᓂᑦ ᐱᖃᑦᑕᕐᓗᑎ ᐃᑲᔪᖅᑕᐅᓂᕐᒧᑦ ᓄᓇᕗᒻᒥᐅᑦ.
ᒥᐊᓕ ᕿᓕᖅᑎ
ᒥᐊᓕ ᕿᓕᖅᑎ ᐃᓅᓂᑰᔪᖅ ᐊᒻᒪᓗ ᐱᕈᕐᓴᓂᑯ ᐸᓐᓂᖅᑑᒥᑦ ᐊᓱᐃᓪᓛᒃ ᓄᑦᑎᕐᓂᑰᔫᖅ ᖁᑦᑎᑦᑐᒧᑦ ᐃᓚᒋᔭᖏᓪᓗ.
ᐃᓱᓕᑦᑎᓐᓂᑰᔪᖅ ᖁᑦᑎᓂᓕᒃ 8-ᒥᑦ ᐃᓕᓐᓂᐊᕐᓂᖓ, ᑭᓯᐊᓂ ᐃᓕᓐᓂᐊᕐᕕᐊᓗᒻᒨᓂᑰᖏᑦᑐᖅ ᐊᑖᑕᖓᑕ ᐃᓕᓐᓂᐊᕆᐊᖁᓚᐅᖏᒪᒍ ᐅᖓᓯᑦᑐᒧᑦ. ᐃᓕᓐᓂᐊᖔᕐᓂᑯᓪᓗ ᐃᓕᓐᓂᐊᒃᑲᓐᓂᓂᒃᑯᑦ, ᐊᐅᓚᑦᑎᔨᐅᓂᕐᒧᑦ ᐃᓕᓐᓂᐊᕈᑎᑦᓴᒃᑯᑦ ᐊᒻᒪᓗ ᐱᓕᒻᒪᑦᓴᕐᓂᒃᑯᑦ ᐊᔾᔨᒌᙱᑦᑐᓂᑦ ᐃᓂᐅᔪᓂᒃ ᐃᑲᔫᑕᐅᓪᓗᑎᒃ ᖁᕝᕙᑦᓴᐃᓂᕐᒥᑦ ᖃᓪᓗᓈᑎᑐᑦ ᐃᓕᓐᓂᐊᕈᑎᖏᓐᓂᒃ.
ᒫᓐᓇᓕ, ᐃᖅᑲᓇᐃᔭᕐᓂᑰᔪᖅ ᕿᑭᖅᑖᓗᒻᒥ ᓇᒻᒥᓂᖃᕐᓂᕐᒧᑦ ᐱᕙᓪᓕᐊᓂᕐᒧᑦ ᑯᐊᐳᕇᓴᒃᑯᓐᓄᑦ.
ᒪᐃᔭᒋᔭᐅᑎᓪᓗᒍ ᕿᑭᖅᑕᕐᔪᐊᕐᒥᑦ 2012-ᒥᑦ 2019-ᒧᑦ ᐊᒻᒪᓗ 2019-ᒥᑦ 2020-ᒧᑦ, ᐱᖃᑕᐅᓚᐅᖅᑐᖅ ᓄᓇᕗᒻᒥ ᐳᕙᓪᓗᑦᑐᓄᑦ ᐱᓕᕆᖃᑎᒌᓄᑦ.
ᕿᓕᖅᑎ ᐱᓕᕆᖃᑕᐅᓚᐅᕐᒥᔪ ᐊᒪᐅᑏᑦ ᓄᓇᕗᑦ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂᒃ, ᓂᐱᖁᑎᒋᔭᐅᓪᓗᑎᒃ ᐃᓄᓐᓄᑦ ᐊᕐᓇᓄᑦ, ᐊᓯᖏᓐᓄᓪᓗ, ᑲᒪᒋᔭᖃᖅᑐᑎᒃ "ᐊᑦᓱᕉᑕᐅᓲᓂᒃ, ᐊᑲᐅᙱᓕᐅᕈᑕᐅᔪᓂᒃ ᐃᓅᓯᕐᒧᑦ, ᑮᓇᐅᔾᔭᓴᓐᓂᕐᒧᑦ ᐊᒻᒪᓗ ᒐᕙᒪᐅᑎᓄᑦ ᓄᖅᑲᖓᑎᑦᑎᔪᓂᒃ ᓇᓕᒧᒌᑎᑦᑎᓂᕐᒥᑦ."
ᐱᕙᒌᔭᕐᓯᒪᓂᕋᕐᑐᖅ ᓂᐱᖁᑎᒋᔭᐅᓂᕐᒧᑦ ᓄᓇᕗᒻᒥᐅᓄᑦ ᐊᒻᒪᓗ ᐱᖃᑕᐅᑦᓯᐊᕐᓗᓂ ᒪᓕᒐᓕᐅᕐᓂᕐᒧᑦ, ᐱᓕᕆᐊᖑᔪᓂ ᒪᓕᒐᓕᐅᕐᕕᒻᒥᑦ.
ᐊᖏᓂᖅᐹᖑᔪᑦ ᐃᓱᒫᓗᓐᓇᖅᑐᑦ ᐃᓚᖃᖅᑐᑦ ᐃᖅᑲᓴᐃᔮᑦᓴᓂᒃ, ᐃᒡᓗᓕᕆᓂᕐᒥᑦ, ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ, ᑮᓇᐅᔾᔭᓴᓐᓂᕐᒥᑦ, ᐃᓅᓯᕐᒥᑦ ᐱᕙᓪᓕᐊᑎᑦᓯᓂᕐᒥᑦ ᐊᒻᒪᓗ ᐋᖅᑭᒋᐊᖅᑕᐅᓗᓂ ᐃᑲᔪᖅᓱᖅᑕᐅᙱᓗᐊᕐᓂᖏᓐᓂᒃ ᓄᓇᕗᑦ ᒐᕙᒪᒃᑯᖏᓐᓄᑦ.
ᕿᓕᖅᑎ ᐅᖃᓚᐅᖅᑐᖅ ᒥᓂᔅᑕᐅᖃᑕᐅᒐᔭᖅᑐᖅ, ᑎᓕᐅᕐᑕᐅᓐᓂᖅᑲᑦ.